ҚАБЫЛДАУ

   КазАСТ қабылдау комиссиясының мекен-жайы:

Алматы қ., Абай даңғылы 85, 111 нөмірлі блок, 114 нөмір.

Қабылдау комиссиясының телефоны: +8 (727) 292-38-2

 

ҚАЗАҚ СПОРТ ЖӘНЕ ТУРИЗМ АКАДЕМИЯСЫ
03.02.2010 ж. №0137383 мемлекеттік лицензия

5В010800 – «ДЕНЕ ШЫНЫҚТЫРУ ЖӘНЕ СПОРТ»,  5В090200 – «ТУРИЗМ» және 5В091200 – «МЕЙРАМХАНА ІСІ  ЖӘНЕ МЕЙМАНХАНА БИЗНЕСІ»

білім беру бағдарламалары бойынша ҚР ЖОО-ның Ұлттық рейтингінде жетекші орын алады

 

ҚҰРМЕТТІ ТАЛАПКЕРЛЕР!

Егер сіз дене шынықтыру мен спорт, туризм, мейрамхана ісі және қонақ үй бизнесі саласында сапалы білім алып, кәсіби жетістікке жеткіңіз келсе, Университеттер спортының халықаралық федерациясы (FISU) 2015 жылы «Әлемнің үздік университеті» деп таныған ҚАЗАҚ СПОРТ ЖӘНЕ ТУРИЗМ АКАДЕМИЯСЫНА түсіңіз!

 

ҚазСТА колледж-бакалавриат-магистратура-PhD докторантура бойынща үздіксіз білім беруді жүзеге асырады. Біздің академияда спорт және туризм саласындағы жоғары білікті профессор-оқытушылар құрамы, тәжірибелі педагог-жаттықтырушылар, белгілі ғалым-зерттеушілер қызмет етеді. Академия 32 елдің серіктес жоғары оқу орындарымен 58 халықаралық келісімшарт жасаған.

 

ҚазСТА студенттерінің әскери кафедрада «Дене даярлығы мен спортты ұйымдастыру» білім беру бағдарламасы (мамандығы)  бойынша оқи жүріп, жұмысқа тұру аумағын кеңейте түсу мүмкіндігі бар.

 

Біздің нысандарымыз: ойын залдары, бокс, күрес, гимнастика, ауыр атлетика және фитнес залдары, жүзу хауызы, футбол алаңдары, жартасқа өрмелеу алаңқайы, қонақүй, Талғар ауданындағы таушаңғысы базасы, Қапшағайдағы су спорттық базасы ҚазСТА-ның болашақ студенттеріне есігін айқара ашады.

 

БАКАЛАВРИАТ

5В010800 – «ДЕНЕ ШЫНЫҚТЫРУ ЖӘНЕ СПОРТ» білім беру бағдарламасы (мамандығы)

Оқыту жаңа білім беру траекториялары бойынша жүргізіледі:

1. Дене шынықтыру және жоғары жетістіктер спорты.   4. Дене шынықтыру. Күзет қызметі.
2. Дене шынықтыру және спорттық психология.   5. Дене шынықтыру. Спорттық менеджмент.
3. Дене шынықтыру. Денсаулық менеджменті.   6. Дене шынықтыру және спорттық журналистика.

 

Олимпиялық спорт факультеті (ОСФ) тел.: +7(727) 292-24-21

Мамандандыру: баскетбол, үлкен теннис, волейбол, гандбол, регби, футбол, хоккей, биатлон, велоспорт, бильярд, семсерлесу, сырғымен жүгіру спорты, шаңғы спорты, мәнерлеп сырғанау, ату спорты, жеңіл атлетика, ЕДШ және массаж, жүзу, спорттық және көркем гимнастика, спорттық акробатика, фитнес сияқты спорт түрлері бойынша жүзеге асырылады.

 

Кәсіби спорт және жекпе-жектер факультеті (КСжЖЖФ) тел.: +7(727) 292-78-29

Мамандандыру: қазақ күресі, тоғызқұмалақ, бүркітші, ат спорты, айкидо, кикбоксинг, каратэ, спорттық ушу, таэквондо, еркін күрес, грек-рим күресі, дзюдо, самбо, бокс, ауыр атлетика, қоян-қолтық ұрыс, армрестлинг (қол күресі), пауэрлифтинг, тай боксы сияқты спорт түрлері бойынша жүзеге асырылады.

 

5В090200 – «ТУРИЗМ» білім беру бағдарламасы (мамандығы)

Оқыту жаңа білім беру траекториялары бойынша жүргізіледі:

  1. Халықаралық туризм: туризм және бизнес индустриясы.
  2. Спорттық және емдеу-сауықтыру туризмі.

 

5В091200 – «МЕЙРАМХАНА ІСІ  ЖӘНЕ МЕЙМАНХАНА БИЗНЕСІ» білім беру бағдарламасы (мамандығы)  

 

ҚазСТА келешегін туризм индустриясымен байланыстырғысы келетін жастар мен дарындыларға өз мейрамханасы мен қонақүйін ашуға мүмкіндік береді.

Туризм факультеті студенттерінің Алматы қаласында, сонымен қатар алыс және жақын шет елдерде мейрамханалар мен қонақүйлерде тәжірибеден өту мүмкіндігі бар.

Туризм факультеті (ТФ) тел.: +7(727) 292-14-81

 

МАГИСТРАТУРА

ҚазСТА-да жоғары оқу орнынан кейін білім беру 6М010800 – «Дене шынықтыру және спорт» және 6М090200 – «Туризм» білім беру бағдарламаларынан (мамандықтарынан)  «магистр» дәрежесін беру арқылы, дайындықтың бейінді, ғылыми және педагогикалық екі бағыты бойынша мамандар даярлауға бағытталған.

 

Бейінді магистратура қызмет көрсету және білім беру салалары үшін, кәсіби дайындықты терең меңгерген басқарушы мамандарды даярлауға арналған білім траекторияларын жүзеге асырады. Оның білім беру бағдарламасы аясында «Жаттықтырушылардың жоғары мектебі» ашылған.

Оқу мерзімі – 1 жыл.

 

Магистратураның ғылыми және педагогикалық бағыты жоғары, жоғары оқу орнынан кейінгі білім беру мен ғылыми салалар үшін тереңдетілген ғылыми-педагогикалық даярлықты меңгерген ғылыми және педагогикалық мамандарды даярлау бойынша жоғары оқу орнынан кейінгі білім беру траекторияларын жүзеге асырады.

Оқу мерзімі – 2 жыл.

 

PhD ДОКТОРАНТУРА

Жоғары оқу орнынан кейінгі білім беру 6D010800 – «Дене шынықтыру және спорт» және 6D090200 – «Туризм» білім беру бағдарламалары (мамандықтары) бойынша философия докторы (PhD) дәрежесін тағайындау арқылы мамандарды  даярлауға бағытталған.

Оқу мерзімі – 3 жыл.

 

Магистратураның 6М010800 – “Дене шынықтыру және спорт”, 6М090200 – “Туризм” және докторантураның 6D010800 – “Дене шынықтыру және спорт”, 6D090200 – “Туризм” білім білім беру бағдарламаларына (мамандықтарына)  тапсыру үшін шет тілі (ағылшын) бойынша қабылдау емтихандары тестілеу түрінде өткізіледі. Емтиханды ҚР БҒМ білім беру мен тестілеудің мемлекеттік стандарттарының Ұлттық Орталығы өткізеді. Шет тілі бойынша емтиханға жіберілуі үшін Қабылдау комиссиясынан рұқсат қағазын алу керек. Өтініштерді қабылдау шілденің 3 мен 31 аралығында, түсу емтихандары 10 тамыздан 20 тамызға дейін жалғасады.

 

 

 

ҚАБЫЛДАУ ШАРТТАРЫ

5В010800 – «Дене шынықтыру және  спорт»  білім беру бағдарламасына (мамандығына) оқуға түсу үшін тапсыру қажет: Қазақстан тарихы және оқу сауаттылығы. ҚазСТА негізінде бейінді пәндердің орнына 2 шығармашылық емтихан тапсырады: жалпы дене даярлығы (ЖДД) және мамандандыру (таңдап алған спорт түрі бойынша).

 

5В090200 – «Туризм», 5В091200 – «Мейрамхана ісі және мейманхана бизнесі» білім беру бағдарламаларына (мамандықтарына)  оқуға түсу кезінде бірінші міндетті блок – Қазақстан тарихы, математикалық сауаттылық пен оқу сауаттылығы және екінші блок – бейінді пәндер: география мен шет тілін тапсырады.

 

Қысқартылған оқу түрі бойынша оқуға түсетін  колледж бітірушілері тапсырады:

5В010800 – «Дене шынықтыру және спорт» білім беру бағдарламасына (мамандығына)   жалпыбейінді (Педагогика және психология негіздері)  және бейінді  пәнді (шығармашылық емтихан).

5В010800 – «Дене шынықтыру және спорт» білім беру бағдарламасына (мамандығына)  қабылдау ҰБТ немесе кешенді тестілеу (КТ) және шығармашылық емтихан (ДШжС) нәтижелері бойынша жүргізіледі.

 

5В090200 – «Туризм» білім беру бағдарламасына(мамандығына)  – жалпыбейінді пәндерді (география және ағылшын тілі) және бейінді пәнді (туристік қызметті ұйымдастыру) тапсырады.

 

5В091200 – «Мейрамхана ісі және мейманхана бизнесі» білім беру бағдарламасына (мамандығына)  – жалпыбейінді пәндер (Қазақстан тарихы) және бейінді пән (мейрамхана және мейманхана шаруашылықтарында қызмет көрсетуді ұйымдастыру).

5В090200 – «Туризм», «Мейрамхана ісі және мейманхана бизнесі» білім беру бағдарламаларына (мамандықтарына)  қабылдау ҰБТ немесе кешенді тестілеу (КТ) нәтижелері бойынша жүргізіледі.

 

ҚАБЫЛДАУ КОМИССИЯСЫНА ҰСЫНЫЛАТЫН ҚҰЖАТТАР ТІЗІМІ:

  1. Білімі туралы құжат (түпнұсқа)
  2. ҰБТ немесе кешенді тестілеу (КТ) сертификаты
  3. Медициналық анықтама (форма 086-У)
  4. Флюорография (суреттің түпнұсқасы)
  5. Жеке куәлік көшірмесі – 6 дана
  6. Фотосурет 3х4 – 8 дана

7.Соңғы 3 жылдағы халықаралық және республикалық жарыстар  дипломдары.

 

Магистратураға тапсыру үшін ұсынылатын құжаттар тізімі:

  1. Жеке куәлігінің көшірмесі;
  2. Нотариус куәландырған диплом және оның қосымшасының көшірмесі;
  3. 3х4 көлеміндегі 6 фотосуреті;
  4. 086-У түрі бойынша медициналық анықтама;
  5. Кадрлар есебі бойынша жеке парақ және еңбек қызметін растайтын құжат (еңбек өтілі бар тұлғалар).
  6. Мекенжай анықтамасы.
  7. Құжаттармен қоса шет тілі емтиханына ақша төленгені туралы түбіртек болуы керек.

 

Докторантураға тапсыру үшін ұсынылатын құжаттар тізімі:

 

  1. Жеке куәлігінің көшірмесі;
  2.  Нотариус куәландырған жоғары және жоғары оқу орнынан кейінгі білім дипломдары мен қосымшаларының көшірмесі;
  3. Ғылыми басылымдары мен оқу-әдістемелік құралдарының тізімі;
  4. 3х4 көлеміндегі 6 фотосуреті;
  5. 086-У түрі бойынша медициналық анықтама;
  6. Кадрлар есебі бойынша жеке парақ және еңбек қызметін растайтын құжат (еңбек өтілі 3 жылдан кем болмауы керек).
  7. Мекенжай анықтамасы.
  8. Құжаттармен қоса шет тілі емтиханына ақша төленгені туралы түбіртек болуы керек.

 

Мекенжайымыз:

050022, Алматы қ., Абай даң., 85

тел.: +7(727) 292-38-21

E-mail: priem.kazast@mail.ru

Сайт: www.kazast.kz